10 жніўня 2020 году ад стрэла сілавіка загінуў Аляксандр Тарайкоўскі, першы забіты ўдзельнік пратэстаў пасля прэзідэнцкіх выбараў. У яго стрэлілі, калі ён проста ішоў, падняўшы раскінутыя рукі, у бок сілавікоў у раёне станцыі метро «Пушкінская» ў Мінску — нагадвае Свабода.
У гэты ж дзень у 2020 годзе Святлана Ціханоўская разам з прадстаўнікамі аб’яднанага штабу Марыяй Калеснікавай і Максімам Знакам ідуць у ЦВК падаваць скаргу пра парушэнні падчас правядзення выбараў. У ЦВК з Ціханоўскай тры гадзіны размаўлялі прадстаўнікі сілавых структур. Пасля гэтага яна знікае. Як стане вядома пазней, яе прымусілі выехаць у Літву.
нг