15 снежня ў Мінску будуць судзіць 87-гадовую пенсіянерку Лізавету Бурсаву. Нагода — бел-чырвона-белы сцяг на балконе яе кватэры, паведамляе "Еўрарадыё".
Яе пляменнік Аляксандр Белы распавёў у сацсетках, што Бурсава цудам выжыла ў вайну.
— Калі казаць пра нацызм, які нібыта ўвасабляе бел-чырвона-белы сцяг. Разам з маёй бабуляй Фрумай і маім бацькам Валерыянам яны здолелі ўцячы з Віцебска на апошнім эвакуацыйным цягніку ў ліпені 1941 года і таму не былі забітыя нацыстамі, — піша Белы. — А 16 нашых сваякоў Шэйніных былі забітыя ў Віцебскім і Бешанковіцкім гета. Яшчэ трое Шэйніных, яе родныя дзядзькі, загінулі на франтах вайны са зброяй у руках. Таму да нацызму ў цёткі Лізаветы свае рахункі.
Лізавета Бурсава — найстарэйшая у іх сям'і. Таксама яна апошняя, хто з ягоных сваякоў размаўляў на ідзіш.
эж