План тэхнічнай мадэрнізацыі польскай арміі да 2035 году, набыццё сістэмаў Patriot і HIMARS , а таксама дэкларацыі, датычныя ваеннага супрацоўніцтва з ЗША – гэта, паводле кіраўніка Міністэрства нацыянальнай абароны, найважнейшыя падзеі ў абароннай галіне ў мінулым годзе.
Паводле міністра Марыюша Блашчака, 2019 год быў важны для абароны Польшчы. Паводле яго, адной з найважнейшых падзеяў мінаючага году былі дэкларацыі, якія прэзідэнты Анджэй Дуда і Дональд Трамп падпісалі ў чэрвені ў Вашынгтоне.
- Несумненна найважнейшымі былі дзве дэкларацыі, у тым ліку датычныя пастаяннай прысутнасці амерыканскіх войскаў у Польшчы, а таксама павелічэння колькасці амерыканскіх жаўнераў. Гэта поспех, які зводзіцца да пашырэння супрацы са Злучанымі Штатамі Амерыкі.
У якасці поспеху ў 2019 годзе кіраўнік Мінабароны назваў, сярод іншага, падрыхтоўку плану тэхнічнай мадэрнізацыі, які дазволіць набыць для арміі сучаснае абсталяванне на працягу 15 гадоў.
У сваю чаргу, сярод заключаных кантрактаў, Марыюш Блашчак назваў кантракт на пастаўкі комплексаў Patriot і HIMARS, а таксама перамовы па справе знішчальнікаў F-35.
аз