17 студзеня 1945 года завершылася нямецкая акупацыя польскай сталіцы. Менавіта ў гэты дзень савецкія салдаты і салдаты 1-й Арміі Войска Польскага перайшлі Віслу і ўвайшлі ў знішчаную левабярэжную Варшаву. У горад пачалі вяртацца выселеныя нацыстамі варшавякі. Імкліва сваю працу распачаў савецкі рэпрэсіўны апарат, які паслядоўна пераследаваў жаўнераў Арміі Краёвай.
Доктар гістарычных навук Шымон Нядзеля (Szymon Niedziela) гаворыць, што менавіта польскія жаўнеры першымі ўвайшлі ў левабярэжную Варшаву:
-Была абсалютна іншая зіма, не тая, якую мы перажываем зараз. Тады быў люты мароз, Вісла скаваная марозам, жаўнеры маглі пехатою з варшаўскай Прагі трапіць у левабярэжны горад. Менавіта яны першыя аказаліся ў Цэнтры і ў Старым горадзе. Былі страты, няпраўда, што яны ўвайшлі ў горад без ніводнага стрэлу.
Уваходжанне ў Варшву завершыла Варшаўска-Познанскую наступальную аперацыя, якая была часткай Вісла-Одэрская стратэгічная наступальная аперацыі савецкіх войскаў. У выніку апошняй ад нямецка-фашысцкай акупацыі была вызвалена тэрыторыя Польшчы. На фінальным этапе Вісла-Одэрская аперацыі часткі 1-га Беларускага фронту і 1-й Арміі Войска Польскага вялі крывавыя баі за Калабжэг і Памеранскі вал.
IAR/эж