Жаўнеры з групы Кіберпрасторавых дзеянняў, якая працуе ў складзе Войскаў тэрытарыяльнай абароны Польшчы (ВТА), прынялі ўдзел у найбуйнейшым хакатоне ў Еўропе. У адным з конкурсаў палякі занялі другое месца, – паведаміў палкоўнік Марэк Петржак з камандавання Войскаў тэрытарыяльнай абароны:
-Наша каманда выконвала тры заданні. І выкананая задача, пастаўленая нам Міністэрствам сельскай гаспадаркі, была высока ацэнена журы і заняла другое месца ў фінальнай частцы конкурсу.
Праграмісты ВТА стварылі прыкладанне для інфармавання насельніцтва аб перасоўванні статкаў дзікоў, якія могуць быць заражаныя афрыканскай чумой свіней, што нясе небяспеку для ферм і хатніх жывёлаў. Прыкладанне дазваляе хутка паведаміць аб месцы з'яўлення дзікоў, імкліва адправіць паведамленне аб гэтым у палявыя ветэрынарныя службы.
Каманда кіберпрасторавых дзеянняў Войскаў тэрытарыяльнай абароны знаходзіцца на этапе фармавання.
iar/эж