Большая частка адкідаў – 3 мільёны тон – гэта прадукты харчавання, выкінутыя сямейнымі гаспадаркамі, кажа доктар Бэата Більска з Варшаўскага прыродазнаўчага ўніверсітэту. Яна ўдакладніла, што кожная хатняя гаспадарка ў Польшчы выкідвае ў сярэднім 3,9 кг харчовых адкідаў у тыдзень.
Каля 15 % прадуктаў харчавання ідзе ў адкіды на этапе сельскагаспадарчай вытворчасці і яшчэ 15% – на стадыі перапрацоўкі.
Даследаванне праводзілася Інстытутам аховы навакольнага асяроддзя – Нацыянальным даследчым інстытутам і Варшаўскім прыродазнаўчым універсітэтам.
Па дадзеных Харчовай і сельскагаспадарчай арганізацыі Аб'яднаных Нацый, штогод у свеце выкідваецца 1,3 мільярда тон харчоў, што складае траціну сусветнай вытворчасці прадуктаў харчавання.
iar/эж