Прэмʼер-міністр Польшчы Матэвуш Маравецкі заявіў, што будаўніцтву газаправода Baltic Pipe у доўгатэрміновай перспектыве нічога не пагражае. Дацкаму партнёру па праекце быў адкліканы экалагічны дазвол на будаўніцтва 200-кіламетровага ўчастка газаправода.
Як заявіў прэмʼер-міністр Матэвуш Маравецкі ў Шчэціне, ён разлічвае на тое, што аналітычная праца хутка скончыцца, і фінальны тэрмін інвестыцыі будзе выкананы:
-Гэты праект зʼяўляецца крытычным не толькі для энергетычнай суверэннасці Польшчы, але суверэннасці, якая зробіць немагчымым газавы шантаж Расіі. Мы гэты праект завершым, я ў гэтым упэўненыя. Мы вельмі зацікаўленыя ў тым, каб пракладка газаправоду была завершана датэрмінова, або прынамсі своечасова.
Больш за тыдзень таму Дацкая апеляцыйная камісія па пытаннях навакольнага асяроддзя і харчавання адклікала дазвол на пракладку трубаправода Baltic Pipe, па якім павінен паступаць газ з Нарвегіі праз Данію ў Польшчу. На думку дадзенай камісі,і пракладка газаправода пагражае існаванню некаторых відаў мышэй і кажаноў.
У вырашэнне дадзенай праблемы дацкі аператара Baltic Pipe хоча ўцягнуць Еўракамісію, для якой будаўніцтва газаправода зʼяўляецца важным элементам дыверсіфікацыі паставак газу, якая дазволіць пазбегнуць залежнасці ад Расіі.
iar/эж