Прэзідэнт Польшчы Анджэй Дуда разам з жонкай Агатай Кронхаўзер-Дудай склалі пажаданні духавенству і вернікам Праваслаўнай, Грэка-каталіцкай ды іншых усходніх цэркваў Польшчы. Сёння верныя ўсходніх абрадаў святкуюць Каляды.
Прэзідэнт Анджэй Дуда і Агата Кронхаўзер-Дудай адзначылі, што Раство аб'ядноўвае ўсіх хрысціянаў у глыбокім пачуцці супольнасці: «Падчас каляднай вячэры, калі вы будзеце дзяліцца прасфорай, хай усе сэрцы адчуюць цяпло і любоў, блізкасць. Хай гэта будзе прыемнае і мірнае Раство, праведзенае з сямʼёй. Няхай яно прынясе духоўны ўздым і адпачынак ад паўсядзённых выпрабаванняў».
Прэзідэнт і яго жонка таксама пажадалі «усяго самага лепшага» у 2022 годзе, каб гэты год прынёс ажыццяўлення надзей і чаканняў, дазволіў вярнуцца да нармальнага жыцця пасля пандэміі.
Прэзідэнцкая пара выказала павагу да дасягненняў усходняй духоўнай традыцыі: «Яна займае вельмі важнае месца ў нашай Айчыне, дзе сустракаюцца культурныя здабыткі Захаду і Усходу. Дзякуем за клопат аб гэтай традыцыі і яе развіцці, перадаем вам самыя шчырыя вітанні».
iar/эж