У памежнай службе дадалі, што «сёння (6 лютага) пасля поўначы былі затрыманыя 5 грамадзян Емена. Замежнікі прыехалі ў Беларусь з Расіі».
Расказвае прэс-сакратар Памежнай службы Ганна Міхальска.
-Ніхто з гэтых замежнікаў не хацеў застацца ў Польшчы. Усе казалі, што хочуць трапіць далей, у заходнія еўрапейскія краіны. Усе яны былі ў добрым стане, усе атрымалі загад аб выдаленні з тэрыторыі Польшчы і былі развернутыя на лінію мяжы. У сваю чаргу каля мяжы ў раёне Крынак чарговы дзень запар былі чутныя стрэлы, гэтым разам з сігнальнай зброі.
Сёлета было зроблена больш за 1100 спробаў незаконнага перасячэння мяжы з Беларусі ў Польшчу. Памежная служба ў Twitter падкрэсліла, што год таму, у той жа час, спробаў незаконнага траплення ў краіну праз гэтую мяжу не рабілася.
За мінулы год памежнікі зафіксавалі агулам 39,7 тысяч спробаў нелегальнага перасячэння польска-беларускай мяжы.
З 1 снежня 2021 года па 1 сакавіка 2022 года забаронена знаходжанне на тэрыторыі каля мяжы з Беларуссю. Забарона ахоплівае 115 гарадоў Падляшскага ваяводства і 68 гарадоў Любэльскага ваяводства.
ав