Міністэрства аховы здароўя паведаміла, што за суткі былі зафіксаваныя 24 тысячы 404 новыя каранавірусныя інфекцыі, у тым ліку 2 тысячы 427 паўторных заражэнняў. З-за COVID-19 памёр адзін чалавек, а 9 іншых у выніку суіснавання COVID-19 з іншымі захворваннямі.
Міністэрства аховы здароўя змяніла сістэму справаздачнасці, указваючы таксама колькасць людзей, якія каранавірусам заразіліся паўторна. Гэта звязана з ростам хвалі паўторных інфекцый, характэрных для хвалі амікрон-штама каранавіруса.
Ведамства таксама паведаміла, што з-за COVID-19 шпіталізаваныя 18 тысяч 287 чалавек. Гэта на 626 чалавек больш, чым днём раней. У цяперашні час да апаратаў ШВЛ падключаныя 1 150 пацыентаў, то бок на 35 больш, чым учора.
У сваю чаргу колькасць людзей, якія знаходзяцца на каранціне, складае 480 тысяч 925 чалавек, гэта на 10 тысяч 269 менш, чым днём раней.
Усяго з пачатку пандэміі ў Польшчы каранавірусам заразіліся 5 мільёнаў 188 тысяч 184 чалавекі. Пакуль вылечыліся 4 мільёны 330 тысяч 328 чалавек, памерлі – 106 тысяч 607 чалавек.
IAR /аз