Кіраўнік Беларусі Аляксандр Лукашэнка ў нядзелю прызнаў, што з тэрыторыі Беларусі былі запушчаныя ракеты ў бок Украіны. Пра гэта ён казаў пасля галасавання на рэферэндуме аб зменах у Канстытуцыю.
«Сапраўды, дзесьці ў раёне Чарнобыля, дзе расійскія войскі знаходзіліся на манеўрах, былі запушчаны дзве-тры ракеты», – сказаў ён, назваўшы гэта «вымушаным крокам». Ён таксама запэўніў, што ва Украіне няма ні беларускіх жаўнераў, ні беларускай зброі.
«Такім чынам Лукашэнка фактычна афіцыйна сказаў, што ўвязвае Беларусь у вайну», - перакананы палітычны аглядальнік Павал Усаў.
- Лукашэнка заявіў, што Беларусь «вымушаюць» уключыцца ў «вайсковую аперацыю» супраць Украіны. Напэўна сёння ноччу, або заўтра беларускія войскі ўжо ўвойдуць на тэрыторыю Украіны. Гэта пацвярджаецца ўсеагульнай мабілізацыяй тых, хто знаходзіцца ў запасе. Паводле апошніх дадзеных, АМАП беларускі таксама накіраваны да мяжы. Гэта робіцца для падтрымкі дзеянняў Расіі для зачысткі тэрыторыі, акупаванай расійскім агрэсарам.
Тым самым, Беларусь з пасіўнага агрэсара становіцца актыўным акупантам, -перакаканы П.Усаў
PAP/аз