Зарэмбюк: У вольнай і дэмакратычнай Беларусі мы адбудуем могілкі жаўнераў Арміі Краёвай у Мікулішках

Старшыня фонду «Беларускі дом» у Варшаве папрасіў прабачэння ў палякаў за варварства, здзейсненае службамі беларускага дыктатара.

Калектыўная магіла жаўнераў Арміі Краёвай, якія загінулі ў 1944 годзе ў Мікулішках

www.facebook.com/mark.zanevskij

У вольнай і дэмакратычнай Беларусі могілкі жаўнераў Арміі Краёвай у Мікулішках, якія чыноўнікі рэжыму Лукашэнкі зраўнялі з зямлёй, будуць адбудаваныя, запэўніў старшыня фонду «Беларускі дом» у Варшаве Алесь Зарэмбюк.

Ад імя беларускай грамадскасці ў эфіры TVP Info дзеяч папрасіў прабачэння ў палякаў за варварства, здзейсненае службамі беларускага дыктатара.

«Наш народ асуджае такія дзеянні», – запэўніў Алесь Зарэмбюк.

Могілкі жаўнераў Арміі Краёвай у Мікулішках пад Ашмянамі ў Гродзенскай вобласці Беларусі былі знішчаныя па загадзе беларускіх уладаў.

Міністэрства замежных справаў Польшчы ў заяве падкрэсліла, што гэта быў беспрэцэдэнтны акт варварства.
«Мы заклікаем улады ў Мінску спыніць гэтыя практыкі, якія нагадваюць самыя змрочныя старонкі ў гісторыі камуністычнага рэжыму», – адзначылі ў МЗС Польшчы.

IAR/TVP Info / аз