Намеснік міністра замежных спраў Польшчы Пётр Ваўжык (Piotr Wawrzyk) нагадаў у эфіры Польскага радыё, што МЗС заклікае палякаў, якія знаходзяцца ў Расіі, пакінуць краіну. Амбасадар Польшчы ў Расіі Кшыштаф Краеўскі прапанаваў дапамогу дыпламатаў.
Ваўжык адзначыў, што падзеі ў Расіі развіваюцца дынамічна.
- Сітуацыя мяняецца, таму мы яшчэ раз заклікаем палякаў выехаць, нават яшчэ больш настойліва. Сітуацыя абвастрылася, калі расійскія ўлады аб’явілі мабілізацыю, невядома, што будзе далей. Расійскія ўлады дзейнічаюць непрадказальна ў адносінах замежнікаў, якія знаходзяцца на тэрыторыі гэтай дзяржавы, таму мы не хочам, каб пацярпелі нашы суайчыннікі. Таму амбасадар Краеўскі звярнуўся да палякаў у Расіі, што яны могуць скарыстацца падтрымкай польскіх дыпламатаў.
Амаль два тыдні таму ў Расіі была аб’яўленая частковая мабілізацыя.
нг