Памежная служба Польшчы паведаміла, што ўчора польска-беларускую мяжу спрабавалі нелегальна перасекчы 92 чалавекі. 26 чалавек падышлі да шлагбаума, але сышлі ў глыб Беларусі.
На ўчастку, які ахоўваецца пагранзаставай у Баброўніках, група 25 грамадзян Егіпта пераправілася праз раку Свіслач.
У сваю чаргу ў раёне паста ў Плоскай 16 чалавек спрабавалі трапіць у Польшчу праз памежны ўчастак Аўгустоўскага канала.
Супрацоўнікі памежнай службы з заставы Мельнік затрымалі арганізатара нелегальнага пераходу - грамадзяніна Таджыкістана, які перавозіў трох грамадзян Шры-Ланкі.
ПР/юл