Прэзідэнцкі дарадца Павел Салэк заявіў, што Польшчы патрэбна ўсё больш абароннай ваеннай тэхнікі. Госць Польскага радыё патлумачыў, чаму Польшча замовіла ў Паўднёвай Карэі танкі К2 і гаўбіцы К9.
- Прамысловасці ў Паўднёвай Карэі характэрна тое, што велізарныя грошы выдаткоўваюцца на даследаванні і распрацоўкі тэхналогіі ваеннаабарончага сектара і на высакаякаснае ваеннае абсталяванне. Таму гаўбіцы, сістэмы залпавага агню, танкі, самалёты карыстаюцца вельмі добрай ацэнкай сярод вайскоўцаў, – кажа дарадца прэзідэнта.
«І мы гэтую тэхніку будзем выкарыстоўваць у польскім войску. У нас няма выбару -мы павінны ўзбройвацца», – дадаў Павел Салэк.
IAR/яс