Расія вядзе ў Польшчы дэзынфармацыйную кампанію, накіраваную, у тым ліку, на вымантачванне дадзеных і правакаванне варожасці паміж Захадам і Украінай, напісаў у Twitter прэс-сакратар міністра-каардынатара спецслужбаў Польшчы Станіслаў Жарын.
У рамках згаданых мерапрыемстваў, між іншым, быў сфабрыкаваны фальшывы ліст ад Міністэрства ўнутраных спраў і адміністрацыі і расклейваліся плакаты з заклікам збіраць дадзеныя пра ўкраінцаў, якія жывуць у Польшчы.
Станіслаў Жарын падкрэсліў, што падобная дзейнасць праводзіцца і ў іншых еўрапейскіх краінах, у тым ліку ў Літве і Латвіі, і што гэта частка міжнароднай дэзынфармацыйнай дзейнасці Расіі.
«Крэмль пераконвае, што еўрапейскія краіны, якія прынялі ўцекачоў з Украіны, цяпер рыхтуюцца да мабілізацыі сярод украінцаў. Паводле расійскіх тэзісаў, украінскія грамадзяне павінны быць прымусова высланыя з еўрапейскіх краінаў назад ва Украіну», – кажа Жарын.
IAR/аз