Арганізатары пратэсту перакрываюць трактарамі частку руху грузавікоў.
Фермеры пратэстуюць супраць наплыву ўкраінскага збожжа на польскі рынак.
Каля 70 сельскагаспадарчых трактароў і столькі ж легкавых аўтамабіляў сабраліся на месцы запланаванай акцыі пратэсту на нацыянальнай дарозе № 12 каля Акопаў.
Паводле дамоўленасці з удзельнікамі сходу, у напрамку мяжы з Украінай у Дарагуск будуць прапускацца аўтамабілі з гуманітарнай дапамогай, гаручым і прадуктамі харчавання, у адваротным накірунку – такі ж грузавы транспарт. Акцыя пратэсту была заяўленая і працягнецца да поўначы 3 лютага.
У акцыі пратэсту ўдзельнічаюць 300-400 чалавек, задзейнічана каля ста трактароў.
Прэс-сакратар Палаты падатковай адміністрацыі ў Любліне Міхал Дэрус паведаміў, што раніцай на пераходзе ў Дарагуску на выезд з Польшчы ва Украіну чакалі каля 110 грузавікоў, разліковы час чакання – 5 гадзін. На ўездзе ў Польшчу праверкі праводзіліся пастаянна.
Затое на выездзе з Польшчы ва Украіну на пераходзе Грабенне чакалі каля 65 грузавікоў, час чакання – 5 гадзін. На ўкраінскім баку мяжы на ўезд у Польшчу знаходзіліся 150 грузавікоў з меркаваным часам чакання 10 гадзін.
PAP / вх