Галоўнай тэмай сустрэчы прэмʼр-міністра Польшчы Матэвуша Маравецкага і прэмʼер-міністра Швецыі Ульфама Крыстэрсана будзе пытанне павышэння бяспекі Еўропы шляхам падтрымкі Украіны і яе грамадзян у вайне з Расіяй. Абодва прэм’еры таксама абмяркуюць найважнейшыя тэмы польска-шведскіх двухбаковых дачыненняў і найважнейшыя пытанні еўрапейскага парадку дня. Таксама будзе ісці размова пра падрыхтоўку Швецыі да ўступлення ў НАТО.
У камюніке нагадваецца, што Швецыя цяпер старшынюе ў Радзе Еўрасаюза і каардынуе працу над наступным пакетам санкцый ЕЗ супраць Расіі. Гэтая тэма – як падкрэслівае прэс-сакратар – абмяркоўвалася і на апошнім Еўрапейскім савеце, які прайшоў у мінулыя чацвер і пятніцу.
«Павышэнне бяспекі Еўропы, у тым ліку Польшчы, у кантэксце імперскіх планаў Крамля сёння зʼяўляецца прыярытэтам. Вайна паміж Расіяй і Украінай – гэта вайна, у якой разыгрываецца будучыня ўсяго нашага кантынента. Таму з пачатку расійскай агрэсіі Швецыя, як і Польшча, паслядоўна падтрымлівае Украіну, забяспечвае ваенную і гуманітарную дапамогу, а таксама абсталяванне, неабходнае для аднаўлення электрасеткі», – падкрэсліў Пётр Мюлер.
У маі 2022 года Польшча і Швецыя арганізавалі Канферэнцыю донараў, мэтай якой было аказанне гуманітарнай падтрымкі Украіне. Ва ўмовах расійскай агрэсіі супраць Украіны Швецыя і Фінляндыя падалі заяўкі на ўступленне ў НАТА. Пашырэнне Паўночнаатлантычнага альянсу гэтымі дзвюма краінамі, як падкрэсліваецца ў прэс-рэлізе, зʼяўляецца важным элементам бяспекі ў рэгіёне Балтыйскага мора, уключна з Польшчай.
PAP / вх