Прадстаўнік па пытаннях абароны і нацыянальнай бяспекі Аб’яднанага пераходнага кабінету Беларусі, кіраўнік Дэпартаменту нацыянальнай бяспекі, падпалкоўнік Валерый Сахашчык заклікаў беларусаў яднацца. Пра гэта афіцэр заявіў падчас беларуска-ўкраінскага мітынгу «Дзве нацыі – адзін вораг», які прайшоў у Варшаве.
«Беларускі народ падтрымлівае братэрскі ўкраінскі народ і будзе далей змагацца (...). Мы не абаронім свае ідэі, сваю свабоду, свае каштоўнасці, калі не будзем разам», – зазначыў Сахашчык, дадаўшы, што «нашы лепшыя браты і сыны гінуць цяпер за Украіну».
Удзельнікі мітынгу ўшанавалі памяць беларусаў, якія загінулі ва Украіне. Пасля яго адбылося шэсце ў іх гонар і ў падтрымку ўкраінскага народу. На мітынгу таксама выступілі, у прыватнасці, Зянон Пазняк і Павел Латушка.
вс