Кіраўнік Міністэрства ўнутраных спраў і адміністрацыі Польшчы міністр Марыюш Каміньскі паведаміў пра сваё рашэнне ў Twitter: «З-за напружанай сітуацыі на мяжы з Беларуссю я вырашыў узмацніць нашыя сілы групай з 500 паліцэйскіх з падраздзяленняў прафілактыкі. Яны далучацца да 5000 служачых Памежнай аховы і 2000 салдат, якія ахоўваюць бяспеку гэтай мяжы».
Цягам двух месяцаў назіраецца рост колькасці людзей, якія спрабуюць нелегальна перасячы польска-беларускую мяжу. Толькі за ўчорашні дзень з Беларусі ў Польшчу спрабавалі нелегальна трапіць 187 чалавек. Гэта былі, у прыватнасці, грамадзяне Ірана і Самалі.
IAR/нг