У Польшчы ўсё часцей сілавыя ведамствы і спецслужбы ўзначальваюць жанчыны. Так, начальнікам Надодранскага атраду Памежнай службы Польшчы (заходняя мяжа краіны) стала палкоўнік Маніка Муселяк, паведаміла прэс-служба памежнага ведамства. Стаж службы Манікі Муселяк у памежных структурах – больш за 20 гадоў.
Палкоўнік Маніка Муселяк - чацвёртая справа крыніца: Nadodrzański Oddział Straży Granicznej
Намеснікам галоўнага каменданта Памежнай службы Польшчы з’яўляецца таксама жанчына – брыгадны генерал Віялета Гажкоўска.
У канцы года стала вядома, што дырэктарам Цэнтральнага антыкарупцыйнага бюро (ЦАБ) – адной з важнейшых спецслужб у Польшчы, стала Агнешка Квяткоўска-Гурдак. Цягам амаль 10 гадоў афіцэр служыла ў аператыўна-следчым аддзеле ЦАБ, перад гэтым – амаль 10 гадоў у Цэнтральным бюро расследаванняў, якое ўваходзіць у структуры польскай паліцыі.
Агнешка Квяткоўска-Гурдак сярод калег крыніца: Centralne Biuro Antykorupcyjne
У сваю чаргу Службу ваеннай разведкі ўзначаліла палкоўнік Дарота Кавэцка. Афіцэр служыць у вайсковай разведцы працяглы час. Была таксама ваенным аташэ ў пасольстве Польшчы ў Вялікабрытаніі.
Дарэчы, рэктарамі-камендантамі ўсіх трох польскіх школ паліцыі, у тым ліку адной вышэйшай, з’яўляюцца жанчыны.
У Польшчы пасля стварэння новага ўраду ў канцы мінулага года важныя пасады ўсё часцей займаюць жанчыны, у тым ліку ў сілавых ведамствах.
вс