Атрымліваючы дакумент Нацыянальнай выбарчай камісіі аб выбарах, Наўроцкі запэўніў, што будзе «прэзідэнтам адзінай Польшчы». Сярод сваіх прыярытэтаў ён назваў «знішчэнне муроў нянавісці паміж палякамі».
1 чэрвеня ў другім туры прэзідэнцкіх выбараў Караль Наўроцкі, якога падтрымала апазіцыйная партыя «Права і справядлівасць» (PiS), атрымаў 50,89% галасоў і перамог кандыдата ад Грамадзянскай кааліцыі (KO) Рафала Тшаскоўскага, які атрымаў 49,11%.
Наўроцкі абвясціў, што 7 жніўня, на наступны дзень пасля прысягі прэзідэнта, распачне ажыццяўляць свае першыя ініцыятывы.
У канцы чэрвеня Наўроцкі абвясціў, што пасля прысягі прэзідэнта скліча Савет Кабінета міністраў для абмеркавання сітуацыі на заходняй мяжы з Германіяй. Ён падкрэсліў, што хацеў бы ведаць усю статыстыку адносна нелегальных мігрантаў.
У канцы ліпеня абраны прэзідэнт завяршыў працу над структурай свайго офіса. У якасці найбліжэйшых супрацоўнікаў у Канцылярыі Прэзідэнта Рэспублікі Польшча ён абраў палітыкаў з партыі «Права і справядлівасць» і былых калег з Інстытута нацыянальнай памяці, дырэктарам якога ён быў да прэзідэнцкіх выбараў.
PAP/яс