Прэм’ер-міністр Польшчы Дональд Туск абвясціў, што скліча саміт Рады дзяржаў Балтыйскага мора, прысвечаны бяспецы ў рэгіёне. Падчас візіту на ветраэнергетычнай ферме каля Лэбы на ўзбярэжжы Балтыкі, ён падкрэсліў, што Польшча імкнецца стаць лідарам дзеянняў у сферы бяспекі на моры, асабліва ва ўмовах буйнейшых стратэгічных інвестыцый, што рэалізуюцца ў гэтым рэгіёне.
Туск нагадаў, што цяпер над Балтыйскім морам рэгулярна здараюцца памехі сігналу GPS у самалётах, у тым ліку пасажырскіх. Паводле яго, Польшча з’яўляецца адной з краін, найбольш зацікаўленых у бяспецы Балтыкі, таму ўкладае значныя намаганні і каардынуе дзеянні іншых краін.
Ён таксама дадаў, што Польшча задзейнічае НАТА і балтыйскіх партнёраў, а падчас саміту закране пытанне бяспекі ў кантэксце польскіх інвестыцый на моры. У склад Рады дзяржаў Балтыйскага мора, акрамя Польшчы, уваходзяць: Літва, Латвія, Эстонія, Германія, Ісландыя, Данія, Швецыя, Нарвегія, Фінляндыя і Еўрапейская камісія.
IAR/нг