Паводле Інстытута нацыянальнай памяці, гэтыя заявы адмаўляюць «добра задакументаваныя факты адносна нямецкіх злачынстваў, учыненых супраць габрэяў падчас Другой сусветнай вайны». «Такія сцвярджэнні шкодзяць памяці ахвяр Халакосту», – гаворыцца ў заяве Інстытута.
Вядучы праграмы Radio Wnet перапыніў інтэрв'ю з Гжэгажам Браўнам, калі той адмаўляў існаванне газавых камер у Асвенцыме. Варшаўска-Сярэднемесцкая акруговая пракуратура расследуе гэтую справу.
Гэта зʼяўляецца правапарушэннем паводле артыкула 55 Закона аб Інстытуце нацыянальнай памяці», – сказаў прэс-сакратар пракуратуры Пётр Антоні Скіба.
«Пасля праверкі паведамленняў СМІ будзе прынята рашэнне аб магчымым пачатку дасудовай справы або перадачы справы ў Інстытут нацыянальнай памяці», – растлумачыў Пётр Антоні Скіба.
Левыя падалі скаргу на дэпутата Еўрапарламента. Музей Асвенцым-Біркенаў таксама абвясціў аб далейшай скарзе і пазове аб паклёпе.
Хлусня пра Асвенцым зʼяўляецца злачынствам у Польшчы і караецца штрафам або пазбаўленнем волі на тэрмін да трох гадоў.
IAR/вх