У нядзелю трое мужчын уварваліся ў касцёл св. Яна Хрысціцеля ў Шчэціне і заатакавалі тамтэйшага святара і аднаго з царкоўных працаўнікоў.
Паліцыя затрымала нападнікаў праз 1,5 гадзіны. Святар і яго памагаты трапілі ў шпіталь, іх жыццю не пагражае небяспека.
Шчэцінская пракуратура пачала допыт аднаго з бандытаў, які пабіў ксяндза. Таксама сёння адбудзецца допыт двух саўдзельнікаў. Пракуратура высуне абвінавачанне і скіруе ў суд патрабаванне аб часовым арышце затрыманых. Раней у пракуратуры пакінулі свае сведчанні святар і царкоўны працаўнік.
Генеральная пракуратура заявіла, што возьме пад свой нагляд гэтае следства.
Ахвяра нападу – ксёндз Аляксандр Зееўскі 35 год служыць у Шчэціне. Летась ён атрымаў медаль «За заслугі для Шчэціна».
ПР/юл