Польскае МУС: Бежанцы з Украіны могуць скарыстацца бясплатным транспартам у Германію

«Калі нехта не хоча заставацца ў Польшчы, у яго ёсць план ехаць далей – мы ствараем такую магчымасць», – заявіў віцэ-міністр Павел Шэфернакер.

Здымак мае ілюстрацыйны характар.

twitter.com/PKPIntercityPDP

Польшча прапануе ўцекачам з Украіны скарыстацца бясплатным транспартам у Германію. У Згажэльцы(Zgorzelec) – памежным гарадку на паўднёвым захадзе Польшчы быў створаны спецыяльны пункт прыёму і перасадкі, дзе ўцекачы могуць адпачыць перад далейшым падарожжам, напісаў у сацсетках намеснік кіраўніка Міністэрства ўнутраных спраў і адміністрацыі Павел Шэфернакер(Paweł Szefernaker).

У суботу і нядзелю ў Германію і Чэхію курсіруюць спецыяльныя дадатковыя цягнікі, апрача нармальных, прадугледжаных графікам PKP.

«Калі нехта не хоча заставацца ў Польшчы, у яго ёсць планы ехаць далей – мы ствараем такую магчымасць», – заявіў Павел Шэфернакер.

PAP/аз