Прэзідэнт Украіны падзякаваў палякам за тое, што яны прымаюць у сваіх дамах украінцаў, якія ўцякаюць ад вайны. Уладзімір Зяленскі дадаў, што дзякуе ад імя ўсіх украінцаў, якія знайшлі прытулак у Польшчы.
«Мільёны ўкраінцаў адчуваюць сябе тут не як госці, а як у сябе дома», – падкрэсліў Уладзімір Зяленскі:
- Яшчэ раз хачу падзякаваць усяму польскаму народу. Асабліва, за гэтыя першыя тыдні вайны і пазней, калі патрэбная была неадкладная дапамога і тады жыхары памежных гарадоў і вёсак адкрывалі дзверы перад украінцамі. Межаў не было. І я ўпэўнены, што гэта быў толькі пачатак дарогі, на канцы якой паміж Польшчай і Украінай не будзе межаў – да таго мы імкнёмся. Не будзе ніякіх палітычных, эканамічных і, галоўнае, гістарычных межаў. І для гэтага мы зробім усё для нашых народаў, але спачатку дзеля таго неабходная перамога.
Сёння падчас цырымоніі ў Прэзідэнцкім палацы ў Варшаве Уладзімір Зяленскі атрымаў ордэн Белага Арла – найстарэйшую і найбольш прэстыжную дзяржаўную ўзнагароду Польшчы.
IAR/аз