Завяршаецца другі тыдзень падвышэння цэнаў на паліва на заправачных станцыях, але гэты рост павінен запаволіцца, кажа Уршуля Цесляк з брокерскай канторы «Reflex» у Лодзі. Яна падкрэслівае, што ў значнай ступені аптовае павышэнне ўжо адбілася на цэнах на АЗС:
-Аптовыя цэны выраслі нашмат больш, чым на 20 грошаў, а такі рост мы бачым апошнія дні на запраўках. Таму з вялікай верагоднасцю мы можам чакаць далейшага росту цэн на паліва. Аднак гэты рост будзе запавольвацца.
Уршуля Цесляк дадае, што ў бліжэйшы тыдзень кошт літра бензіну можа вырасці на 5 грошаў, дызельнага паліва – ад 5 да 8 грошаў, а аўтагазу – на 2 грошы.
-Пачала мяняцца сітуацыя на ўнутраным аптовым рынку. Канец тыдня прыносіць паніжэнне цэн бензіну на аптовым рынку. Калі казаць пра дызельнае паліва, то чакаем зніжэння цэн з суботы і на пачатку наступнага тыдня. У перспектыве ёсць шанец, што цэны на запраўках перастануць расці, – гаворыць экспертка.
Уршуля Цемсяк лічыць, што цэнам на паліва яшчэ рана пачынаць падаць.
ав