Лаўрэат Нобелеўскай прэміі міру Алесь Бяляцкі атрымаў Узнагароду салідарнасці і правоў чалавека. Беларускі апазіцыйны актывіст быў узнагароджаны падчас другога Форума імя Касцюшкі ў Еўрапейскім цэнтры салідарнасці ў Гданьску.
Рэжым у Мінску неаднаразова асуджаў Алеся Бяляцкага да пазбаўлення волі за яго працу па прасоўванні правоў чалавека і дэмакратычных змен у Беларусі.
Атрымліваючы ўзнагароду, Алесь Бяляцкі падкрэсліў, што беларусы павінны працягваць змагацца за сістэмныя змены ў сваёй краіне.
— Для мяне гэта вялікі гонар. Калісьці гэтыя ўзнагароды атрымлівалі заснавальнікі руху “Салідарнасць”. Для нас у Беларусі яны былі сапраўднымі героямі.
Касцюшкоўскі форум прысвечаны супрацоўніцтву Польшчы з беларускай апазіцыяй. Выканаўца абавязкаў дырэктара Еўрапейскага цэнтра салідарнасці ў Гданьску Магдалена Містат (Magdalena Mistat) адзначыла, што ў гэтым годзе мерапрыемства засяроджваецца на ролі культуры ў наладжванні дыялогу і сувязяў паміж грамадствамі.
— Аднак мы таксама памятаем пра тое, што напрамак дэмакратычнай думкі пра Беларусь — гэта таксама падтрымка дыяспары. Нас цешыць тое, што Еўрапейскі цэнтр салідарнасці ўспрымаецца як дом для беларусаў, якія знаходзяцца ў Гданьску.
Лех Валенса (Lech Wałęsa) быў узнагароджаны Крыжам добрасуседства. Яго сын прыняў узнагароду ад імя былога прэзідэнта.
IAR/нг