Спікер польскага Сенату (вышэйшай палаты польскага парламенту) Станіслаў Карчэўскі (Stanisław Karczewski) працягвае свой двухдзённы візіт у Касцюхніўцы ў Валынскай вобласці Украіны.
Ля Касцюхніўкі ў 1916 годзе Польскія легіёны пад камандаваннем Юзафа Пілсудскага змагаліся ў бітве з царскай арміяй.
Станіслаў Карчэўскі. PAP/Radek Pietruszka
Учора польская дэлегацыя наведала месцы, звязаныя з гэтай бітвай: Польскае ўзвышша, Рэдуту Пілсудскага і Польскі лясок.
Менавіта ў Польскім ляску сенатары сустрэліся з польскімі гарцэрамі, якія клапоцяцца пра магілы легіянераў.
„Мы знаходзімся тут з мэтай клапоціцца пра памяць жаўнераў, якія загінулі змагаючыся за нашую Айчыну”.
Сенатары сустрэліся з польскімі гарцэрамі, якія клапоцяцца пра магілы легіянераў. PAP/Radek Pietruszka
Як падкрэсліў спікер Станіслаў Карчэўскі, гісторыя пра польскіх легіянераў аднаўляецца ў памяці з дапамогай польскіх гарцэраў.
„Ужо больш за 20 гадоў польскія гарцэры прыязджаюць туды і клапоцяцца пра гістарычныя месцы, пра нашую гістарычную спадчыну”.
Сёння прадстаўнікі польскага парламента наведаюць Ваўчыцк. PAP/Radek Pietruszka
Сёння прадстаўнікі польскага парламента наведаюць Ваўчыцк, Кукле, Яблонку і Маневічы і прымуць удзел у цырымоніях, прысвечаных памяці легіянераў у Польскім ляску.
Хоць у бітве ля Касцюхніўкі перамагло царскае войска, а шмат палякаў загінула, то супраціў легіянераў спыніў расейскае наступленне.
аз