Ісламская дзяржава ўзяла на сябе адказнасць за тэракт падчас вяселля ў сталіцы Афганістана Кабуле. Тэрарыст-смяротнік узарваў сябе ў залі, дзе прабывалі госці вяселля. Загінулі як мінімум 63 асобы, а 182 атрымалі раненні.
Тэрарыст узарваў бомбу ў мужчынскай частцы залі. У Афганістане на вяселлі мужчыны бавяцца асобна ад жанчын і дзяцей. У вясельных урачыстасцях магло ўдзельнічаць нават 1200 чалавек.
Прэзідэнт краіны Ашраф Гані асудзіў гэтую, па ягоных словах, бесчалавечную атаку, і дадаў, што выказвае спачуванне сем’ям загінулых і моліцца за хуткае выздараўленне параненых.
Вяселле ў Кабуле зладзілі прадстаўнікі шыіцкай рэлігійнай меншасці. Прадстаўнікі так званай Ісламскай дзяржавы, якія прадстаўляюць суніцкую, радыкальную частку ісламу, шмат разоў ладзілі нападзенні на шыіцкую меншасць у Афганістане і Пакістане.
ІАР ПР/нг