Амерыканскі прэзідэнт Дональд Трамп заявіў, што падпісанне дакументу павінна адбыцца ў бліжэйшым часе.
Змест уступнага пагаднення яшчэ невядомы. Пакуль бакі стрымаліся ад узаемных дадатковых мытаў, якія павінны былі быць уведзеныя ў сярэдзіне снежня. Кітай абавязаўся закупіць большую колькасць амерыканскіх аграхарчовых прадуктаў.
Лідары абедзвюх краін размаўлялі на тэму ўмоваў пагаднення пад канец чэрвеня. У жніўні ЗША афіцыйна абвінавацілі Кітай у маніпуляванні курсам сваёй валюты. У сваю чаргу ў кастрычніку ЗША змясцілі 8 кітайскіх суб’ектаў, звязаных з вытворчасцю камунікацыйнай тэхнікі, у чорны спіс.
Абедзве краіны на працягу двух гадоў уводзілі дадатковыя ўзаемныя мыты на імпартаваныя тавары. Нядаўна апублікаваны рапарт ААН сцвярджае, што гандлёвая вайна пашкодзіла эканомікам абедзвюх краін.
ав