Каронавірус дабраўся да Афрыкі

Небяспечная інфекцыя была выяўленая ў замежніка, які прыбыў у Афрыку. 

Жанчына дэзінфікуе салон самалёта эфіопскіх авіялініяй у міжнародным аэрапорце ў Адыс-Абэбе

EPA/STR

Першы выпадак заражэння каронавірусам COVID-19 у пятніцу, 14 лютага, быў зафіксаваны ў Афрыцы. Як паведамілі ў Міністэрстве аховы здароўя Егіпта, небяспечная інфекцыя была выяўленая ў замежніка, які прыбыў у краіну. Яго грамадзянства, аднак, не ўдакладняецца.

Пра дыягназ пацыента ўлады Егіпта паведамілі ў Сусветную арганізацыю аховы здароўя (СААЗ). Сам заражаны быў змешчаны пад каранцін. Яго стан, паводле звестак Міністэрства аховы здароўя Егіпта, стабільны. Улічваючы цесныя гандлёвыя сувязі афрыканскіх краін з Кітаем, з аднаго боку, а таксама нярэдка перагружаныя сістэмы аховы здароўя афрыканскіх дзяржаў, з другога боку, узнікаюць сумневы ў іх здольнасці справіцца з успышкай захворвання, выкліканага коронавірусам, піша інфармацыйнай агенцтва AFP.

Агульная колькасць заражэнняў каронавірусам у свеце, па дадзеных на суботу, 15 лютага, складае больш за 67 000 чалавек. Пераважная частка заражэнняў (66 492 выпадку) пры гэтым зафіксавана ў Кітаі. Акрамя таго, каронавірус COVID-19 быў выяўлены ў прыкладна 600 пацыентаў у 26 іншых дзяржавах, у тым ліку Расіі, Нямеччыне, Францыі і Бельгіі.
У КНР, выкліканае каронавірусам лёгачнае, захворванне прывяло да смяротнага зыходу ў 1523 чалавек. Яшчэ двое пацыентаў памерлі з прычыны заражэння каронавірусам за межамі Кітая, а менавіта ў Японіі і на Філіпінах.

паводле dw/эж