14 краін атрымалі згоду Еўракамісіі на дзяржаўную дапамогу фірмам, каб забяспечыць іх ліквіднасць у часе крызісу, выкліканага каранавірусам.
Праграма польскага ўраду з’яўляецца самай вялікай па суме грошай. Гаворка ідзе пра 22 мільярды еўра на дапамогу фірмам, якія маюць праблемы з доступам да капіталу.
У сувязі з каранавірусам Еўракамісія спрасціла прынцыпы прызнання ўрадавай падтрымкі для фірм, каб яны маглі працягваць сваю дзейнасць, а просьбы чалецкіх краін ЕК ацэньвае ў прыспешаным тэмпе. Замест некалькіх тыдняў, ці месяцаў, рашэнне прынята напрацягу некалькіх дзён.
Польская праграма дзяржаўнай дапамогі тычыцца гарантыі і даплат да крэдытаў. Камісар па справах канкурэнцыі Маргарэт Вэстаген, інфармуючы пра згоду на польскую праграму, напісала, што грошы дапамогуць польскім фірмам атрымаць тэрміновыя сродкі на дзейнасць і інвестыцыі.
Дапамога будзе заключацца ў тым, што Банк нацыянальнай гаспадаркі (Bank Gospodarstwa Krajowego) будзе даваць дзяржаўную гарантыю на пазыкі. Імі змогуць карыстацца малыя і сярэднія фірмы з усіх сектараў эканомікі. Мэта – абмежаванне рызыкі, якая звязаная з выдзяленнем пазыкі прадпрымальнікам, якія найбольш за ўсё пацярпелі ад наступстваў крызісу.