Польская медычная місія і «Лекары без межаў» разам дапамагаюць жыхарам Емену

Вайну ў Емене называюць найбуйнейшай гуманітарнай катастрофай XXI стагоддзя, яна каштавала жыцця не менш 233 тысяч чалавек.

Zdjęcie ilustracyjne

akramalrasny/shutterstock.com

Польская медычная місія звяртаецца па дапамогу для галадаючага Емена. Арганізацыя толькі што запусціла новыя праграмы дапамогі. Сумесна з «Лекарамі без межаў» палякі будуць пастаўляць ежу для найбольш пацярпелых раёнаў краіны.

Емен – адна з самых бедных краін у свеце. Грамадзянская вайна, якая працягваецца ў гэтай краінеу ўжо сем гадоў, прывяла да таго, што тры мільёны чалавек пакінулі свае дамы, а 16 мільёнаў, або палова насельніцтва, пакутуюць ад голаду. Палове дзяцей у гэтай краіне пагражае смерць ад недаядання.

Як кажа Дарота Задрога з Польскай медычнай місіі, арганізацыя пачала супрацоўніцтва з «Лекарамі без межаў», каб больш эфектыўна дапамагчы людзям у патрэбе:

-Польская медычная місія і «Лекары без межаў» разам дапамагаюць жыхарам Емена, якія церпяць ад голада. Мы набываем чыстую ваду, якой там бракуе, і без якой немагчыма прыгатаваць ежу.

Вайну ў Емене называюць найбуйнейшай гуманітарнай катастрофай XXI стагоддзя. Яна каштавала жыцця не менш 233 тысяч чалавек. Між тым у сакавіку падчас канферэнцыі ААН па аказанні дапамогі удалося сабраць менш за палову неабходных сродкаў для еменцаў.

iar/эж