Санкцыі, уведзеныя супраць Беларусі, павінны сур'ёзна паўплываць на эканоміку краіны – гаворыць еўрадэпутат, былы міністр замежных спраў Польшчы Вітольд Вашчыкоўскі. У Трэцяй праграме Польскага радыё ён заявіў, што здзіўлены хуткай рэакцыяй Еўрасаюза.
-Я пазітыўна здзіўлены. Я спадзяваўся, што працэс апрацоўкі санкцый будзе даўжэйшым, а нават чакаў больш лагодных санкцый. Спадзяюся, што гэты крок будзе балючы для эканомікі.
Учора лідары ЕС вырашылі пашырыць санкцыі, уведзеныя з мінулага года ў дачыненні да беларускага рэжыму за фальсіфікацыю прэзідэнцкіх выбараў і рэпрэсіі супраць грамадзян. Большай колькасці чыноўнікаў рэжыму будзе забаронены ўезд у ЕС і будзе замарожана іх маёмасць у Еўропе. Кампаніі, якія фінансуюць улады, павінны быць унесены ў чорны спіс.
Акрамя таго, ЕС пачне падрыхтоўку да ўвядзення эканамічных санкцый супраць Беларусі. Таксама ёсць рашэнне аб закрыцці аэрапортаў для беларускіх авіякампаній і зварот да авіяперавозчыкаў ЕС пазбягаць паветранай прасторы Беларусі.
ав