У сувязі з крызісам на мяжы Польшчы і Беларусі прэмʼер-міністр Польшчы Матэвуш Маравецкі здзейсніць шэраг візітаў у краіны Еўрапейскага Звязу, паведамляе прэсавы сакратар урада Пётр Мюлер. Першымі краінамі, якія наведае кіраўнік польскага ўрада ўжо ў нядзелю, 21 лістапада, будуць Літва, Латвія ды Эстонія:
-Геапалітычная сітуацыя вельмі сурʼёзная, і нам неабходныя разнастайныя крокі салідарнасці з боку краін еўрапейскай супольнасці. Таму прэмʼер Маравецкі прыняў рашэнне здзейсніць у бліжэйшыя час шэраг візітаў у краіны Еўразвязу. Першыя перамовы адбудуцца ў Літве, Латвіі і Эстоніі. У нядзелю будуць праведзеныя перамовы з прэмʼерамі гэтых краін на тэму сітуацыі на мяжы і небяспекі, якую мы ўсведамляем, і якая нам пагражае.
Падчас замежнага турнэ польскі прэмʼер закране праблему гібрыднай атакі з выкарыстаннем мігрантаў. Таксама польскі бок зверне ўвагу на кібератакі і завастрэнне энергетычнага крызісу, які, па меркаванню Варшавы, Расія хоча выкарыстаць для шантажу Еўропы.
iar/эж