Беларуская Служба

Падчас візіту ва Украіну кіраўнік польскай дыпламатыі наведае ўкраінска-расійскую мяжу

10.02.2022 11:28
Візіт кіраўніка польскай дыпламатыі ва Украіну звязаны з польскім старшынствам у Арганізацыі па бяспецы і супрацоўніцтве ў Еўропе.
          , .
Кіраўнікі дыпламатыі Польшчы і Украіны ля Сцяны памяці загінулых за Украіну, Кіеў.PAP/EPA/SERGEY DOLZHENKO

Развіццё падзеяў ва Украіне, бяспека межаў і далейшае супрацоўніцтва Украіны з Арганізацыяй па бяспецы і супрацоўніцтве ў Еўропе – гэта тэмы візіту кіраўніка польскай дыпламатыі Збігнева Рауа ва Украіну. На працягу двух дзён міністр сустрэнецца з прадстаўнікамі вышэйшай улады Украіны, а таксама з сябрамі няўрадавых і гуманітарных арганізацый. Ён таксама наведае ўкраінска-расійскую мяжу.

Падчас візіты ва Украіне міністр Збігнеў Рау выкажа польскую падтрымку для суверэнітэту Украіны, кажа прэс-сакратар польскага МЗС Лукаш Ясіна(Łukasz Jasina):

-Тэмай размоваў будзе развіццё сітуацыі на ўсходзе Украіны, у тым ліку абмеркаванне дзеянняў з мэтай дээскалацыі крызісу. Таксама далейшая супраца АБСЕ з Украінай. Нагадваю місія АБСЕ ва Украіне – гэта адна з найважнейшых місіяў згаданай арганізацыі.

Падчас першага дня візіту міністр Рау сустрэнецца з прэзідэнтам Украіны, членамі ўкраінскага ўрада, а таксама прадстаўнікамі «Чырвонага крыжа». У Кіеве кіраўнік польскай дыпламатыі ўсклаў кветкі да Сцяна памяці загінулых за Украіну. Увечары польскага дэлегацыя разам з кіраўніком украінскай дыпламатыі накіруецца на ўсход Украіны ў Харкаў.

Збігнеў Раў пабывае ва Украіне ў якасці прадстаўніка краіны, якая цяпер узначальвае АБСЕ.

IAR/аз

Францыя прапануе сваё пасярэдніцтва ў вырашэнні канфлікту вакол Украіны

07.02.2022 13:47
Сёння Эмануэль Макрон сустракаецца з Уладзімірам Пуціным, заўтра сустрэнецца з Уладзімірам Зяленскім.

Напружанне вакол Украіны стане тэмай сустрэчы Веймарскага трoхкутніка

07.02.2022 16:51
Заўтра ў Берліне сустрэнуцца прэзідэнт Анджэй Дуда, канцлер Германіі Олаф Шольц і прэзідэнт Францыі Эмануэль Макрон.