Кангрэс ЗША выдзеліў 14 мільярдаў долараў на дапамогу Украіне і саюзнікам

4 мільярда долараў на дапамогу Украіне выдзеліць Міжнародны валютны фонд.

Ірпень

PAP/EPA/MIKHAIL PALINCHAK

Кангрэс ЗША прыняў пакет дапамогі на 13 мільярдаў 600 мільёнаў долараў для Украіны і саюзнікаў у рэгіёне. Грошы будуць накіраваныя на ваенную падтрымку Украіны, гуманітарную дапамогу і ўмацаванне ўсходняга флангу NATO.

1,4 мільярда долараў на дапамогу Украіне выдзеліць Міжнародны валютны фонд. Падтрымка заключаецца ў задавальненні надзённых патрэбаў дзяржавы і змякчэнні эканамічных наступстваў вайны.

Больш за палову амерыканскага пакета дапамогі Украіне – 6 мільярдаў 650 мільёнаў долараў – пойдуць на ваенныя выдаткі – размяшчэнне дадатковых сілаў ЗША ва Усходняй Еўропе, закупку і пастаўкі ваеннай тэхнікі Украіне, а таксама ваенную падтрымку краінаў усходняга флангу NATO, у тым ліку дадатковае ўзбраенне.

Кангрэс выдзеліў больш за 4 мільярды долараў на гуманітарную дапамогу ўцекачам. Гэтая сума пакрывае фінансаванне харчавання і аховы здароўя ўкраінцаў, якія бягуць ад вайны, а таксама фінансаванне суполак, якія прымаюць бежанцаў. Амерыканцы выдзеляць 1 мільярд 800 мільёнаў долараў на эканамічную дапамогу Украіне і яе суседзям.