Уладзімір Зяленскі: Расія хоча знішчыць незалежную Украіну

Уладзімір Зяленскі падкрэсліў, што вайна ва Украіне паўплывае не толькі на яго краіну, але і на будучыню міжнароднага парадку.

Прэзідэнт Украіны Уладзімір Зяленскі

PAP/EPA/SERGEY DOLZHENKO

Прэзідэнт Украіны Уладзімір Зяленскі выказаў перакананне, што яго краіна выйграе вайну з Расіяй. Падчас свайго анлайн выступу на канферэнцыі азіяцкіх дзяржаў у Сінгапуры, прэзідэнт Зяленскі заявіў, што Расія хоча перашкодзіць Украіне існаваць як незалежная дзяржава:

- Расія хоча перашкодзіць свабоднаму і незалежнаму існаванню суседняй краіны, якую разглядае сваю калонію. Таму расійская армія ўжо забіла дзясяткі тысяч нашых людзей і дэпартавала на сваю тэрыторыю сотні тысяч украінцаў.

Уладзімір Зяленскі падкрэсліў, што вайна ва Украіне паўплывае не толькі на яго краіну, але і на будучыню міжнароднага парадку. Ён дадаў, што «будучыня сусветных правілаў будзе вырашацца на палях баёў Украіны».

Прэзідэнт падкрэсліў, што расійская блакада ўкраінскіх партоў, якая перашкаджае ў вывазе прадуктаў харчавання, шкодная не толькі для Украіны, але і для ўсяго свету. Нам пагражае востры і сур'ёзны харчовы крызіс і голад у многіх краінах Азіі і Афрыкі, папярэдзіў Уладзімір Зяленскі.

IAR/аз