Пасля перагрупоўкі расійскія войскі аднавілі наступ на Вуглегорскую цеплавую электрастанцыю ў Светладарску ў Данецкай вобласці, паведамляе Генштаб Узброеных сіл Украіны. Прэс-сакратар Генэральнага штабa Аляксандр Штупун паведаміў, што ўкраінскія сілы ў Данецку здолелі адбіць некалькі расійскіх нападаў:
- Паспяховы адпор нашы абаронцы далі акупантам у раёне вёсак Спірнае і Івана-Дар’іўка. Таксама мы спынілі нашых ворагаў у раёне вёсак Даламітнае, Навалуганскае і Сямігор’е – яны былі задушаны пад агнём украінскіх вайскоўцаў. Такі ж лёс сустрэў акупантаў каля вёсак Раты і Вершына. Вораг адышоў. Пасля перагрупоўкі ён аднавіў атаку на Вуглегорскую ЦЭС і баявыя дзеянні працягваюцца.
Украінскія вайскоўцы заяўляюць, што мінулай ноччу расіяне вялі інтэнсіўны абстрэл многіх гарадоў Данецкай вобласці. У ваколіцах Бахмута расійская авіяцыя і артылерыя бамбілі грамадзянскія аб'екты, разбураючы дамы і інфраструктуру. На поўнач ад Данецка ўсю ноч расійская артылерыя наносіла ўдары па гарадку Аўдзііўка, які зʼяўляецца важным аператыўным пунктам, паколькі дазваляе кантраляваць бліжэйшую шашу, якая выкарыстоўваецца для перакідання войскаў і забеспячэння. Ёсць таксама фільтрацыйная станцыя, якая забяспечвае вадой частку Данецка і іншых гарадоў.
IAR/аз