Прэзідэнт Украіны Уладзімір Зяленскі заявіў, што атака на Запарожскую АЭС з’яўляецца тэрактам, і што Расія павінна несці за гэта адказнасць. У пятніцу акупанты двойчы абстралялі атамную электрастанцыю.
У сваёй вячэрняй прамове прэзідэнт Украіны падкрэсліў, што гэта самая вялікая электрастанцыя такога тыпу ў Еўропе:
-Абстрэл гэтага аб'екта – адкрытае, дзёрзкае злачынства, тэрарыстычны акт. Расія павінна несці адказнасць за сам факт стварэння пагрозы АЭС. І гэта не толькі чарговы аргумент на карысць прызнання Расіі дзяржавай-тэрарыстам. Гэта аргумент на карысць увядзення жорсткіх санкцый супраць усёй расійскай атамнай галіны – ад «Расатама» да ўсіх звязаных з ёй кампаній і асоб.
Уладзімір Зяленскі падкрэсліў, што гаворка ідзе толькі аб бяспецы. «Той, хто стварае ядзерную пагрозу іншым дзяржавам, адназначна не можа бяспечна выкарыстоўваць ядзерныя тэхналогіі», – сказаў прэзідэнт Украіны.
На пляцоўцы электрастанцыі расійскія акупанты размясцілі выбухоўку, ракеты і вайсковую тэхніку. Акупанты выкарыстоўваюць Энэргадарскую электрастанцыю, каб знізіць рызыку нападу ўкраінскіх сілаў на іх тэхніку і асабісты склад.
Запарожская атамная электрастанцыя складаецца з шасці рэактараў. Магутнасць кожнага з іх складае 950 мегават.
ав