Таксама на парадку дня – стратэгічная дыскусія аб адносінах ЕС з Кітаем.
Па выніках першага дня саміту ў Бруселі дасягнутая дамоўленасць аб энергетычным плане, які, як чакаецца, знізіць высокія цэны на электраэнергію і газ. Лідары ЕС дасягнулі пагаднення пасля больш чым 10-гадзіннага абмеркавання. Дамоўленасці прадугледжваюць часовае ўвядзенне абмежаванняў па цане на газ, але дэталі гэтага будуць удакладняцца.
Група з 15 краін, у тым ліку Польшча, прасунулі свае патрабаванні, Германія саступіла і разблакавала шлях да працы над гэтым пытаннем. Кіраўнікі 27 краін даручылі міністрам і Еўракамісіі тэрмінова падрыхтаваць канкрэтныя прапановы. «Гэта азначае, што мы гатовыя, што мы дзейнічаем разам і працуем разам, і што яна палітычна моцная і свабодная. Я перакананы, што наступствы будуць бачныя ў бліжэйшы час», – заявіў кіраўнік Еўрапейскай рады Шарль Мішэль.
«Той факт, што мы змаглі дасягнуць пагаднення, з'яўляецца відавочным сігналам нашай рашучасці рынкам», – пракаментаваў прэзідэнт Францыі Эмануэль Макрон. Францыя была ў групе з 15 краін разам з Польшчай, якая на працягу некалькіх месяцаў пераконвала вызначыць мяжу на цану газу.
У дамоўленасцях лідараў ЕС таксама ёсць сумесныя закупкі газу. У дадзеным выпадку Польшча, як, напрыклад, Венгрыя, патрабавала добраахвотнасці. Еўракамісія першапачаткова прапанавала запоўніць сховішчы на 15% сумесна набытым газам. У высновах саміту стала ясна, што гэтыя закупкі павінны быць добраахвотнымі.
ав