На працягу апошніх сямі дзён расійскія акупанты ўзмацнілі бранятанкавы наступ у раёне Марʼінкі Данецкай вобласці. Такімі высновамі падзяліліся спецыялісты брытанскай разведкі ў свежай справаздачы аб вайне ва Украіне.
За Марʼінку вядуцца баі з 2014 году, і яна ў значнай ступені разбурана ў выніку артылерыйскіх абстрэлаў.
Як паведамілі ў брытанскай разведцы, Расія працягвае ў першую чаргу забяспечваць рэсурсамі аперацыі ў шырокім сектары Данеччыны, куды ўваходзяць раёны Марʼінкі і Аўдзііўкі.
Горад разам з Аўдзііўкай і Бахмутам уваходзіць у лік найбольш «гарачых» кропак на фронце. Украінскія войскі штодня адбіваюць шматлікія штурмы расійскіх акупантаў.
У раёне Марʼінкі і Аўдзііўкі УСУ за суткі «мінусуюць» да двух рот расіян. Такой статыстыкай падзяліўся начальнік абʼяднанага прэс-цэнтра Сіл абароны Таўрычнага напрамку палкоўнік Аляксей Дзмітрашкоўскі.
Непадалёк ад Марʼінкі 7 красавіка дэсантнікі збілі варожы знішчальнік Су-25.
яс/Unian