Стварэнне моцнай арміі антыпуцінскіх партызанаў будзе спрыяць звяржэнню рэжыму, лічыць расійская незалежная аглядальніца Юлія Латыніна. Цягам апошняга тыдня незалежныя СМІ звяртаюць вялікую ўвагу на дзейнасць антыпуцінскіх расійскіх партызанаў, якія заяўляюць, што будуць вызваляць расійскія землі ад крамлёўскага рэжыму.
На думку Латынінай, вайсковая мэта такой дыверсійнай аперацыі – адцягнуць як мага больш расійскіх войскаў ад Данбаса і прымусіць іх сканцэнтравацца на ўласнай тэрыторыі.
Калі палонныя расійскія вайскоўцы пачнуць далучацца да партызанаў і пераходзіць на бок Украіны, то можна будзе казаць пра стратэгічны паварот у вайне, лічыць публіцыстка:
- Пакуль Пуцін застаецца пры ўладзе – вайна не скончыцца. Таму ўкраінскія ўлады павінны быць зацікаўленыя ў ператварэнні гэтых войскаў у сур'ёзную сілу, якая абавязкова зменіць расклад сіл унутры Расіі.
Незалежныя расійскія журналісты нагадваюць, што на баку Украіны таксама ваююць чачэнскія вайскоўцы, якія патрабуюць свабоды і незалежнасці сваёй рэспублікі. Ёсць і падраздзяленні беларусаў, якія хочуць звяржэння рэжыму Лукашэнкі.
IAR/аз