Прэзідэнт Літвы заявіў, што адной з задачаў саміту НАТА ў Вільні будзе даць сігнал, што Украіна можа стаць сябрам Паўночнаатлантычнага альянсу. Пра гэта Гітанас Наўседа казаў падчас сустрэчы з прэзідэнтам Германіі Франкам-Вальтэрам Штайнмаерам.
Наўседа адзначыў, што падтрымка для Кіева мае вырашальнае значэнне і шмат у чым вызначыць канчатковы вынік вайны. Ён адзначыў, што падчас саміту НАТА ў Вільні павінен быць накіраваны ясны сігнал, што сяброўства ў Альянсе магчымае.
- Замест таго, каб зноў і зноў паўтараць, што дзверы НАТА адчыненыя, нам трэба даць канкрэтны і ясны пасыл аб прадастаўленні гарантый бяспекі Украіне на дадзеным этапе і так доўга, пакуль яна не стане членам. І, вядома, не толькі абвясціць гэта, але і адкрыць дзверы ў НАТА ў будучыні, пасля заканчэння вайны.
Нямецкі лідар падкрэсліў, што Германія падтрымлівае палітыку адчыненых дзвярэй Альянсу, аднак пакуль Украіна змагаецца з Расіяй, дзеянні Германіі сканцэнтраваны на аказанні Украіне практычнай дапамогі.
яс