У Кіеве палова правераных на дадзены момант сховішчаў не працуе. Вынікі праверкі, праведзенай па даручэнні прэзідэнта Уладзіміра Зяленскага, агучыў міністр па стратэгічных галінах прамысловасці Аляксандр Камышын.
«Я збянтэжаны пасля першага дня папярэдняй праверкі сховішчаў у Кіеве. Пакуль палова з іх непрыдатная», – напісаў ён у Твітары.
З больш чым тысячы правераных сховішчаў 11 працэнтаў не адчыняюцца, а 33 працэнты – непрыдатныя для выкарыстання.
Кантроль сховішчаў па ўсёй краіне, які праходзіць па загадзе прэзідэнта Украіны – гэта рэакцыя на трагедыю ў Кіеве, дзе надоечы падчас расійскага ракетнага абстрэлу загінулі тры чалавекі, якія не змаглі трапіць у закрытае бамбасховішча.
У праверках удзельнічаюць больш за 5 тысяч супрацоўнікаў МНС, паліцыі і чыноўнікаў.
IAR/аз