Скіфскія скарбы – антычныя ўпрыгожванні, зброя, кубкі, шлемы – былі пазычаны галандскаму музею ў 2013 годзе з устаноў, размешчаных у Крыме. Аднак перш чым яны паспелі вярнуцца пасля выставы, у 2014 годзе Расія анексавала Крым.
Пытанне аб тым, куды накіраваць пазычаныя экспанаты, было адрасавана ў наступныя судовыя інстанцыі. Украіна сцвярджала, што скарбы трэба адправіць назад у Кіеў: згодна з нацыянальным заканадаўствам, уласнікам помнікаў з'яўляецца дзяржава, музеі толькі часова імі распараджаюцца і ахоўваюць іх.
Нарэшце, як паведаміла галандскае прэс-агенцтва ANP, Вярхоўны суд у пятніцу пацвердзіў усе папярэднія рашэнні: артэфакты адправяць у Кіеў і будуць захоўваць у Нацыянальным музеі, пакуль «сітуацыя ў Крыме не стабілізуецца».
Скіфы, качавы народ, апісаны Герадотам, зʼявіліся ва ўсходнееўрапейскіх стэпах прыкладна ў VIII стагоддзі да нашай эры. Адным з іх культурных цэнтраў быў Крым.
Скіфы хавалі сваіх кіраўнікоў, правадыроў і арыстакратыю ў курганах, шчодра абстаўляючы іх прадметамі, якія належалі нябожчыку. Упрыгожванні паказваюць побыт і звычаі гэтага народа.
PAP / вх