Расіяне атакуюць Аўдзееўку на Данбасе. Яны таксама пайшлі ў наступ на Купянск у Харкаўскай вобласці. Украінскія вайскоўцы запэўніваюць, што адбіваюць атакі, а таксама самі атакуюць на поўдні краіны.
Як паведаміў прэс-сакратар украінскага Генштаба Андрэй Кавалёў, пад Аўдзееўкай украінскія вайскоўцы абараняюцца ад масіраваных расійскіх атакаў. Паводле яго, на мінулым тыдні праціўнік актывізаваў там наступ і больш за 100 разоў спрабаваў выцесніць украінскіх вайскоўцаў з пазіцый.
Прадстаўнік украінскага Генштаба адзначыў, што УСУ адбілі атакі і знішчылі сотні акупантаў і некалькі дзясяткаў іх бронетэхнікі.
У апошнія дні вораг таксама аднавіў наступ на накірунку купянска-лыманскім. Гэта лінія фронту на мяжы трох абласцей: Луганскай, Данецкай і Харкаўскай.
Паводле ацэнак экспертаў, наступ расійскіх войскаў мае на мэце запаволіць атакі ўкраінскай арміі на поўдні, у Запарожскай вобласці, дзе ўкраінскія вайскоўцы спрабуюць прарваць расійскія ўмацаванні і прарвацца ў бок гораду Такмак.
IAR/аз