Ноччу Фінляндыя закрыла некаторыя памежныя пераходы з Расіяй, каб перадухіліць праезд нелегалаў. Хельсінкі абвінавацілі Крэмль у правакаванні міграцыйнага крызісу. Ужо больш за тыдзень нелегалы з краін Афрыкі і Блізкага Усходу спрабуюць трапіць у Фінляндыю на роварах.
У сувязі з гэтай сітуацыяй улады ў Хельсінкі вырашылі цалкам закрыць тры памежныя пераходы з Расіяй у Ленінградскай вобласці і адзін у Карэліі. Абмежаванні будуць дзейнічаць на працягу трох месяцаў.
Прэзідэнт Фінляндыі Саўлі Ніністэ заявіў, што Масква прывозіць нелегалаў да расійска-фінскай мяжы.
«Мы ведаем, што расійскія памежныя службы таксама дапамагаюць людзям, якія хочуць перасекчы нашу мяжу без дакументаў», – падкрэсліў прэзідэнт Фінляндыі.
Незалежныя вайсковыя аналітыкі, якія адсочваюць сітуацыю вакол расійскага ўварвання ва Украіну, прагназуюць, што з надыходам зімы маскоўскі рэжым актывізуе абстрэлы ўкраінскіх цывільных аб’ектаў і актывізуе правакацыі на межах Еўрасаюза.
яс